„Plank“ (или по нашки – штица) позицијата е една од најефикасните вежби за активирање на мускулите и раздвижување на целото тело (total body workout), па затоа ви го претставуваме познатиот двонеделен „plank“ предизвик.
А бидејќи стоењето во стандардната „plank“ позиција може да биде многу здодевно, вклучуваме 5 варијации на оваа позиција (кои делуват не само на рацете и стомачните мускули, туку и на страничните стомачни, нозете и горниот дел од грбот), заедно со редоследот по кој треба да ги правите, како и целиот двонеделен распоред на вежбање.
Загрејте се и почнете!
Класичен „plank“
Балансирајте на рацете и прстите на нозете, држејќи го телото во права линија, рацете во иста линија со рамениците и нозете малку одделени. Стомачните мускули треба да бидат стегнати, грбот исправен.
Страничен „plank“ – на десно
Балансирајте на десната рака и надворешната страна од десното стапало, држејќи го телото во права линија, со стегнати стомачни мускули. Подигнете ги левата рака и левата нога нагоре.
Обратен „plank“
Балансирајте го телото на рацете и петиците, држејќи го торзото исправено и стомачните мускули стегнати.
