“Пред употреба внимателно да се прочита упатството! За индикациите, ризикот од употребата и несаканите дејства на лекот консултирајте се со Вашиот лекар или фармацевт”
Што претставува Д-р Тајс Мукоплант Анисол и за што се употребува
Д-р Тајс Мукоплант Анисол е традиционален хербален лек за третман на настинки на дишните патишта придружени со густ, леплив (вискозен) секрет.
Д-р Тајс Мукоплант Анисол е традиционален хербален лек и се употребува во случај на наведените индикации врз основа на неговата долгогодишна употреба.
Мора да разговарате со лекар ако не се чувствувате подобро или ако се чувствувате полошо после 3-5 дена.
Содржина на пакувањето и други информации
Што содржи Д-р Тајс Мукоплант Анисол
- Активна супстанција е: етерично масло од ѕвездест анасон. Една капсула содржи 100 mg етерично масло од ѕвездест анасон (Anisi stellati aetheroleum).
- Другите супстанци се: рафинирано масло од семе на маслодајна репа,
Обвивка на капсулата: желатин (Succinylated Gelatin), гицерол 85% (Е 442), прочистена вода, боја: хлорофилин-бакар-комплекс, натриум (E 141).
Како изгледа Д-р Тајс Мукоплант Анисол и содржина на пакувањето
Д-р Тајс Мукоплант Анисол се бледо зелени, проѕирни меки капсули со мазна површина и карактеристичен мирис на анасон.
Начин на издавање на лекот
Лекот се издава во аптека без лекарски рецепт.
